AQL NAZORATI

AQL nazorati – xalqaro standartlarga muvofiq sifat kafolatidir

Textile Control jamoasi O‘zbekistondagi AQL  kashshoflari hisoblanadi. Biz birinchilardan bo‘lib AQL sifat nazorati tizimi bo‘yicha nazorat ishiga  MLT-std 105 standartini o‘rganib chiqdik va uni muvaffaqiyatli joriy etdik. Biz O‘zbekiston korxonalarining har oylik monitoringini quyidagi parametrlar bo‘yicha taqdim etamiz: mahsulotlar ro‘yxati, tovar sifati, yetkazib beruvchining vijdonliligini ob’ektiv bahosi, so‘rov bo‘yicha sizni qiziqtirgan korxonaning vizual va masofadan turib o‘tkaziladigan taqdimoti, ishlab chiqarish quvvatlarini baholash.

2016 yilda biz ISO 9001:2015 auditorlarining sertifikatini oldik.

 AQL o‘zi nima?

AQL  ruxsat etilgan (yoki kafolatlangan) sifat darajasini ko‘zda tutadi, bunda tovar partiyasida nol belgisiga nisbatan maksimal ehtimoliy nuqsonlar soniga ruxsat berilgan bo‘ladi.

Mijoz uchun mahsulotning yirik partiyasida nol ko‘rsatkich ideal hisoblanadi. Ammo ommaviy ishlab chiqarish haqiqatlari quyidagicha: har qanday ishlab chiqarish jarayoni ma’lum xatolarni ko‘zda tutadi va hech bir ishlab chiqaruvchi yuz foiz brak yo‘qligini kafolatlamaydi. Bu masala bo‘yicha ishlab chiqaruvchilar xomashyo yetkazib berishdan boshlab, to yakuniy mahsulot yuklab jo‘natilgunga qadar bo‘lgan butun ishlab chiqarish jarayonini qat’iy nazorat qilishga asoslangan kelishuvga erishdi.

AQL  — turg‘un yuqori darajani kafolatlaydigan mahsulot sifatini talab qilingan darajaga keltirish uchun samarali choradir.

AQL xalqaro standartlashtirilgan tizimi qanday ishlaydi?

Buyurtmachi nazorat darajasini belgilaydi. Textile Control nazoratchilari tasodifiy ravishda tayyor mahsulot namunalarining ma’lum  miqdorini tanlab oladi. Namunalar soni favqulodda aniq hisoblab chiqilgan AQL  nazoratini o‘tkazishda hisoblashlar sxemasiga qat’iy muvofiqlikda  nazorat qilinadigan tovar hajmi bilan shartlangan bo‘ladi. Namunalarni tanlab olishni testdan o‘tkazish tasdiqlangan standartlar hamda spetsifikatsiyalar va mijozning talablariga muvofiq amalga oshiriladi, olingan ma’lumotlar esa statistik ishlov berish natijasida partiyaning sifat darajasi haqida umumiy xulosa qilishga imkon beradi.

AQL-standartlarni belgilashning bir nechta sxemasi mavjud:

Test namunalarini tekshirishda nuqsonlar jiddiy, makro va ahamiyatsiz – mikro-nuqsonlarga saralanadi. Buyurtmachining talablariga qarab “umumiy”dan to “maxsus”gacha testdan o‘tkazish darajasi belgilanadi. Talablar darajasi qanchalik yuqori bo‘lsa, namunalarning testingini o‘tkazishda ko‘rsatmalar shunchalik talabchan bo‘ladi. Har bir nazorat turigaunikal parametrlar qo‘llanadi, ular bo‘yicha test o‘tkaziladi. Nazoratni o‘tkazish uchun muvofiqliligini o‘rganish zarur bo‘lgan, tekshiruv va mahsulot parametrlarining spetsifik xususiyatlari va ularga qo‘yiladigan individual talablarni o‘z ichiga oluvchi texnik topshiriq tuziladi. Masalan, tovarni yuklab jo‘natish bosqichida bar-kodlarni o‘qish sifati nazorat qilinadi, markirovka va o‘rash tahlili o‘tkaziladi, uzoq vaqt saqlaganda tolalarni parchalanishdan saqlash uchun ulardagi mavjud namlik darajasi o‘lchanadi, tayyor mahsulotlarda qoldirilgan tikuv ninalarini izlash amalga oshiriladi, bu tekstil ishlab chiqarishining yirik yopiq tsikllarida juda dolzarb hisoblanadi.

Nazorat natijalariga ko‘ra biz buyurtmachiga batafsil hisobotni taqdim etamiz, mahsulot buyurtmachi tomonidan ko‘rsatilgan maqbul sifat darajasi bo‘yicha testdan o‘tgan yoki o‘tmagani ushbu hisobotdan ravshan bo‘ladi. Hisobot asosida buyurtmachi mahsulotni qabul qilish yoki undan voz kechish haqidagi keyingi qarorini qabul qiladi. Rad etish bajarish muddatlariga rioya qilinmaganlik, brakning yo‘l qo‘yib bo‘lmaydigan miqdori, shuningdek, agar bu kabilar xaridor va sotuvchi o‘rtasidagi kontraktda ko‘rsatib o‘tilgan bo‘lsa, reklamatsiya berish uchun vaj bo‘ladigan boshqa sabablar bilan asoslanishi mumkin. Biz buyurtmachiga kontrakt tuziladigan bosqichdayoq, unda bizning nazoratimiz orqali kiritilgan mablag‘larning bir qismini qaytarish shartlarini ko‘rsatish imkoniyatini taqdim etamiz.

Textile Control xizmatlarining qiymatini baholash buyurtmachidan kelib tushgan batafsil so‘rovga ishlov berish yakunlari bo‘yicha aniqlanadi va har bir alohida holatda qat’iy individual hisoblanadi.

NAZORAT TURLARI: 

Initial Inspection
Namunalar ishlab chiqarish liniyasiga tushgan zahoti biz kirish nazoratini amalga oshiramiz. Bu test-namuna nazorati bo‘lib, uning doirasida namunalarni tanlab olish o‘tkaziladi va lekalolarni o‘lchash asosida ularning sifati, bichilgan detallarga muvofiqligi, ranglar va print suratlari bilan mos kelishi va boshqa parametrlar bo‘yicha sifat nazorati amalga oshiriladi. Sizning istagingizga ko‘ra, namunalarni ishlab chiqarishga qo‘yish uchun ularni tasdiqlashga jo‘natamiz. Initial nazorati ishlab chiqarishning keyingi jarayonida ehtimoliy brak foizini sezilarli darajada kamaytirish imkonini beradi.

In-line Inspection
Namunalar ishlab chiqarish liniyasiga kirganda va mahsulotni tikish jarayoni isha tushirilganda, biz liniyadan namunalarni tanlab olib, ularni o‘ragunga qadar tikish, rang va boshqa detallarning sifat nazoratini amalga  oshirgan holda, In-line-nazoratni, ya’ni tovarni ishlab chiqarish bosqichida tekshirishni amalga oshiramiz.

Final Inspection: yuklab jo‘natish oldidan tekshirish va yuklash jarayonini nazorat qilish
Nihoyat, partiya yuklab jo‘natishga tayyor. Final bosqichda biz xaotik tanlovni amalga oshirgan holda yuklab jo‘natishdan oldingi nazoratni bajaramiz. Biz namunalarni buyurtmachi tomonidan oldinroq berilgan hujjatlarga asoslanib, description va art-work (mahsulotning “raqamli” va badiiy tavsifi) bo‘yicha qat’iy mo‘ljal olgan holda, o‘lchashdan boshlab, markirovka qilingan mahsulotdagi bar-kodlarni o‘qish va o‘ram qutilarining qalinligini tekshirishgacha bo‘lgan ko‘plab parametrlar bo‘yicha namunalarni testdan o‘tkazamiz. Tovar partiyalarini yuklash jarayonida biz konteynerdagi yuk joylari sonini, o‘ramlarning butunligini sinchiklab tekshiramiz va yuklashning oldindan ko‘rsatilgan sxemasiga rioya qilishni nazorat qilamiz.

Har bir bosqich barcha ishlab chiqarish bosqichlarining tovar partiyasini jo‘natishga dovur bo‘lgan doimiy hisobotlar bilan kechadi, — biz fotohisobotni yuritamiz va real vaqt tartibida uni buyurtmachiga uzatamiz. Shu tariqa biz ishlab chiqarishning barcha bosqichlarida mijozning  ishtirokini  ta’minlaymiz

Textile Control xizmatlarining narxini baholash buyurtmachidan kelib tushgan batafsil so‘rovga ishlov berish natijalariga ko‘ra belgilanadi va har bir alohida holat uchun qat’iy individual hisoblanadi.